Advertisement Advertisement

रीता फोम्बो ठूलीको कथामा लघु लिम्बू फिल्म ‘निङ्वासुम’ आउँदै

काठमाडौं, २७ कात्तिक — गीतकार तथा गायिका रीता फोम्बो ठूलीको कथामा लघु लिम्बू फिल्म ‘निङ्वासुम’ तयार पारेका छन् । आफ्नो जन्मघर तेह्रथुमको आठराई, कर्मघर जलजले तथा बेलायतसम्मको दृश्य तथा अहिले बसोबास गरिरहेको बेलायतसम्मको कुरालाई निङ्वासुममा समेटिएको छ ।

सुर्य खापुङ लिम्बूको निर्माण रहेको फिल्ममा लिम्बू समुदायको सांस्कृतिक विरासतसँग जोडिएका पूर्वका ऐतिहासिक स्थलहरू तेह्रथुमको पोक्लाबाङ, सिम्ले, जलजले तोक्मा, आठराई संक्रान्ति बजार, म्याङलुङ, वसन्तपुर, लालीगुराँस नगरपालिकाको चोत्लुङ पार्क र तीनजुरे मिल्के जलजले लगायतका दृश्य समेटिएको छ । इलामको कन्याम र बेलायतबाट पनि केही दृश्य यसमा समेटिएका छन् ।

‘निङ्वासुम’ १५ मिनेटको छोटो फिल्म भए पनि छायांकन गर्न दुई साता लागेको छ । ‘यो फिल्म पूर्वेली लिम्बू समुदायको जीवनशैलीसँग जोडिएको सांस्कृतिक संस्कार भएकाले निकै मिहिनेत गर्नुप¥यो,’ निर्देशक लोकेन साँवाले भने, ‘आधुनिकताले ख्याली र पालामलाई निले पनि पहाडका कुनाकाप्चामा अझै जीवित छ । ख्याली र पालाम लिम्बूले जन्मँदै लिएर आएको हुन्छ ।’

कथा र पालाम गायनमा रीता र भक्ति आङदेम्बेको स्वर सुन्न सकिन्छ । पुष्पा तिलिङ मादेन लिम्बू र दीप केरुङ लिम्बूको मुख्य भूमिका रहेको फिल्ममा गीता फोम्बो (माइली), ओझाहाङ चेम्जोङ, युनिशा निङलेकु, निशा माङ्युङ, भावना निङ्लेकु, विमला सिङगक, आँसु सिङगक, उषा सिङगक, अभिषेक लिम्बू, विवेक लिम्बू, रोसन लिम्बू, सुदेश तुम्बाहाङफे, लीलाप्रसाद पयाङगु, रामरोति लिम्बूको पनि अभिनय छ ।

यसै गीतको साथ केही समय अगाडि आएको मनिष लिम्बू र माङ्गेन्ना लिम्बूको स्वरवद्ध फक्ताङ्लुङ सेसेलाई समेटेर बजारमा ल्याउने भएका छन् । मंसिरमा यसलाई सार्वजानिक गरिने भएको छ ।

ड्रेस डिजाइनर बन्दना सावा लिम्बू, (छथरे ढाका कपडा उद्योग तथा ट्रेनिङ सेन्टर धरान शान्तिपथ लाइन), छायाङ्कन मोति सिग्देल, ड्रोन नागिन धिमाल, ब्यावस्थापन याक्थुङ्बा कुशा (राजु) र ओजाहाङ चेम्जोङ लिम्बू रहेका छन् ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।

सम्बन्धित शीर्षकहरु

गायिका गीता लामाले गाइन् तामाङ सेलो

काठमाडौँ, ११ फागुन । नेपाली गीत संगीतमा धेरै सुनिने तथा जनजिब्रोमा झुण्डिएको सेलो भाका...

कुबेर मृदुलको रचनामा गीत रेकर्डिङ

काठमाडौं, ११ फागुन । मुटुमा तिमी आँखामा तिमी कसरी देखाऊँ प्रीतिको भाषा नबुझ्ने बन्छौ...

अस्मिता पुमा राईको धोको पुरा

काठमाडौं, ११ फागुन । किशोरवस्थामै गायिका बन्ने सपना लिएकी अस्मिता पुमा राईको धोको पुरा...

शुक्रबारबाट देशभर ‘ब्वाइफ्रेण्ड’

काठमाडौं, ९ फागुन । फागुन १० गते शुक्रबारबाट चलचित्र ब्वाईफ्रण्ड देशभर एक साथ प्रदर्शन...

Advertisement Advertisement Advertisement Advertisement Advertisement Advertisement

ताजा अपडेट