Advertisement Advertisement

डा.सुनिल शर्माद्वारा बिपन्न बिरामीको उपचारमा एक लाख सहयोग (भिडियो रिपोर्टसहित)

मोरङ, २९ कात्तिक । नोबेल शिक्षण अस्पतालका सञ्चालक एवं समाजसेवी डा.सुनिल शर्माले बिपन्न बिरामीको उपचारका लागि एक लाख आर्थिक सहयोग गरेका छन् । शरीरमा तातोपानी खनिएर घाईते भई उपचारका क्रममा आर्थिक अभाव झेल्दै आएकी बेलवारी–४ काकुम स्थित शान्ति चौककी सुकमाया राईको उपचारका लागि डा.शर्माले सहयोग गरेका हुन् ।

गत कात्तिक २३ गते थुक्पा उमालेको तातोपानी फाल्ने क्रममा शरीरमा खनिएर ४७ बर्षीय राई गंभीर घाईते भएकी थिईन् । अनुहारसहित शरीरका अधिकांस भाग पातोपानीले पोलेर खुईलिएको छ । मरणासन्न अवस्थामा पुगेकी राईलाई उपचारका लागि राजधानी पुर्याईएको छ । न्यून आर्थिक अवस्थाको राई परिवारले शुकमायाको उपचारका लागि खर्चको जोहो गर्न नसक्दा उनको ज्याननै जोखिममा परेको थियो । ज्यालामजदुरी गर्दै आएको राई परिवारको पीडा थाहा पाएर डा.शर्माले उनको घरैमा पुगी पीडित परिवारलाई आर्थिक सहयोग उपलब्ध गराएका हुन् । डा.शर्मा र उनकी आमा होमादेवी न्यौपानेले बिरामी शुकमायाँका ससुरा वीरबहादुर राईलाई रकम हस्तान्तरण गरेका थिए ।

रकम हस्तान्तरणपछि बोल्दै डा.शर्माले न्यून आर्थिक अवस्थाका कारण उपचार गर्न नसकेर समस्या झेल्दै आएका बिरामीलाई आफुले सकेको सहयोग गर्न तत्पर रहेको प्रतिक्रिया दिए । ‘यो क्षेत्रका बिरामीले पैसा अभावकै कारण उपचार गर्न नसकेर मर्नु पर्दैन ।’ डा.शर्माले भने ‘वास्तविक बिपन्न बिरामीलाई उपचारका लागि सक्दो सहयोग गर्नेछु ।’

उपचारका लागि पैसा नभएर चन्दा उठाउँदै गरेको अवस्थामा डा.शर्माको सहयोगका कारण धेरै राहत मिलेको बिरामी शुकमायाँकी सासु भगिरथी राईले बताईन् । ‘हामी गरिवले समस्या पर्दा भगवान पुर्काथ्यौ । तर, सुनिल वावु साच्चै भगवान भएर आउँनुभयो ।’ उनले भनिन् ।

डा.शर्माले यसअघि स्तन क्यान्सरबाट पीडित सुन्दरहरैचाकी ३२ बर्षीया नन्दकुमारी मगरको उपचारका लागि एक लाख सहयोग गरेका थिए । उनले हजारौं बिपन्न बिरामीलाई निःशुल्क उपचार गरेर ज्यान बचाएका छन् ।

सम्बन्धित शीर्षकहरु

असहायको दर्बिलो सहारा बन्दै नोबेल अस्पताल सञ्चालक डा.सुनिल शर्मा

मोरङ, ६ मंसिर । आर्थिक अभावका कारण उपचार गर्न नसकेर घरमै थलिएका बिरामीहरुका लागि...

मुलुककै उत्कृष्ट करदाताको रूपमा नोबेल अस्पताल सम्मानित (भिडियोसहित)

काठमाण्डौं, २ मंसिर । स्वास्थ्य तथा शिक्षा सेवा प्रदायकमध्ये मुलुकमै सबैभन्दा बढी आयकर तिरे...

घुम्ती शिविरबाट दुई सय लाभान्वित

म्याग्दी, २ मङ्सिर : म्याग्दीको दुर्गम क्षेत्रमा पर्ने रघुगङ्गा गाउँपालिका–६ पाखापानीको कोटगाउँमा शनिबार सम्पन्न...

धर्नामा बसेका निर्मलाका आमाबुबा बिरामी

कञ्चनपुर, ३० कात्तिक : बलात्कारपश्चात हत्या गरिएकी कञ्चनपुरको भीमदत्तनगरपालिका–२ की १३ वर्षीय निर्मला पन्तको...

Advertisement Advertisement Advertisement Advertisement Advertisement Advertisement

ताजा अपडेट