Advertisement Advertisement

साहित्य महासङ्घको नेतृत्वमा सुरेन्द्र परदेशी

काठमाडौं, २७ माघ । साहित्य महासङ्घको नेतृत्वमा सुरेन्द्र लिम्बू परदेशी गत २८ जनवरी २०१९ को नियमित बैठकले साहित्यकार सुरेन्द्र लिम्बू परदेशीलाई विश्व नेपाली साहित्य महासङ्घ विश्व केन्द्रीय समितिको अध्यक्षमा चयन गरेको छ ।

निवर्तमान अध्यक्ष विश्वासदीप तिगेलाले अध्ययन ब्यस्तताको कारण अघिल्लो बैठकमा दिनुभएको राजीनामालाई तत्कालै अनुमोदन नगरेपछि यसपटकको बैठकमा पुनः तिगेलाले लिखित अनुरोध गरेपश्चात अन्ततः अनुमोदन गर्दै वरिष्ठ उपाध्यक्ष परदेशीलाई मनोनयन गरेको हो । परदेशी नेपाल शंखुवासभाका हुन भने वहाँको कर्मथलो भारत रहेको छ । वहाँले विगत दुई दशकभन्दा लामो समयदेखि नेपाली साहित्यको श्रीबृद्धिकानिम्ति योगदान गर्दै आउनु भएको छ । वहाँका ३ कृतिहर्रु ‘अधुरो जीवन’ सामाजिक उपन्यास २०६१, ‘चुनौती’ कथा सङ्ग्रह २०६९ र ‘नव-आयाम वैचारिक अभियान २०७५’ प्रकाशित छन् । वहाँले परदेशीको अवधारणासाथै ‘नव-आयाम’ नामक साहित्यिक आन्दोलनलाई पनि अघि बढाईरहनु भएको छ ।

उक्त विशेष बैठकमा अध्यक्षको हैसियतबाट तिगेलाले अन्तिम मन्तब्य राख्नुहुदै साथ सहयोग गर्नुहुने सबैलाई धन्यवाद ज्ञापन गर्नुभयो । वहाँले अध्ययनको ब्यस्तता र महासङ्घको पदीय तथा विविध ब्यवस्थापनकोनिम्ति राजीनामा गर्नुपरेको प्रष्ट पार्नुभयो । तिगेला युकेको क्यान्टवरी सिसि युनिभर्सिटीमा राजनीति विषयमा उच्चशिक्षा अध्ययनरत छन् ।

जिम्मेवारी हस्तान्तर अघि केन्द्रीय समितिका पदाधिकारीहरुले आआफना मन्तब्य राख्नु भएको थियो र अध्यक्षमा चयन पश्चात साहित्यकार परदेशीले आफ्नो प्रतिबद्धता राख्नुभयो । विशेष बैठकलाई महासचिव डा. लेखनाथ काफ्लेले संचालन गर्नुभएको थियो । सन् २०१९ को जुलाईमा नयाँ नेतृत्वको चयन हुनेछ ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।

सम्बन्धित शीर्षकहरु

मातृभाषामा गुञ्जिए बेलायती कविहरू

२१ फेब्रुअरी, आसफोर्ड(बेलायत)/आसफोर्डको चिसोलाई लत्याउँदै बिहीबार साँझ एक हूल कविहरू गोरखा भिल्लामा जम्मा हुँदै...

तिगेलालाई क्यानडामा स्वागत तथा सम्मान

काठमाडौँ, ७ फागुन : गत ९ फेब्रुवरी २०१९ का दिन क्यानडाको क्यालगरि शहरमा किरात...

दशक वर्षका अवसरमा लिम्बुवान जागरण अभियान

आसफोर्ड(बेलायत), १६ फेब्रुअरी/लिम्बुवान नागरिक समाज, यूकेले आफ्नो स्थापनाको एक दशक पुगेको अवसरमा जनजागरण अभियान...

साहित्य महासङ्घको नेतृत्वमा सुरेन्द्र परदेशी

काठमाडौं, २७ माघ । साहित्य महासङ्घको नेतृत्वमा सुरेन्द्र लिम्बू परदेशी गत २८ जनवरी २०१९...

Advertisement Advertisement Advertisement Advertisement Advertisement Advertisement

ताजा अपडेट