Advertisement

साल्ट ट्रेडिङ पोखराबाट आठ करोड कारोवार

पोखरा, २५ पुस : साल्ट ट्रेडिङ कर्पोरेशन लिमिटेड पोखराले चालु आर्थिक वर्षको पाँच महीनामा रु आठ करोडको कारोवार गरेको छ । 

उक्त कार्यालयले सो अवधिमा खाद्य पदार्थ, खाने तेल, नून र चिनीको बिक्री गरी रु सात करोड ५९ लाख मूल्य बराबरको कारोवार गरेको सो कार्यालयका प्रमुख सुरेशराज भण्डारीले जानकारी गराउनुभयो । 

सोमध्ये सबैभन्दा धेरै नूनको कारोवार भएको छ । सो अवधिमा रु सात करोड ३२ लाख ११ हजार ९६५ मूल्य बराबरको ८९ हजार २८५ बोरा नून बिक्री भएको छ । सो अन्तर्गत रु ६ करोड २१ लाख ८३ हजार २९० मूल्य बराबरको ६७ हजार २२८ बोरा आयोनून र रु एक करोड १० लाख २८ हजार ६७५ मूल्य बराबरको ढिक्के नून बिक्री गरेको छ । 

साल्ट ट्रेडिङ पोखराले डिलरको माध्यमबाट कास्की, तनहुँ, लमजुङ, स्याङ्जा र गोरखा जिल्लामा नून आपूर्ति गर्दछ । उक्त कार्यालयले रु १६ लाख ५६ हजार ३४२ मूल्य बराबरको रासायनिक मल बिक्री गरेको छ । यस्तै रु एक लाख तीन हजार ३१८ मूल्य बराबरको १५० बोरा चोकर र मैदा साथै रु ८१ हजार मूल्य बराबरको पिठो बिक्री भएको छ । त्यस्तै, रु चार लाख ६९ हजार ३०७ मूल्य बराबरको सूर्यमुखी तेल र चार हजार ४६० मूल्य बराबरको खाने तेल गरिएको हो । उक्त कार्यालयबाट रु चार लाख नौ हजार २०३ मूल्य बराबरको १३६ बोरा चिनी पनि सो अवधिमा बिक्री भएको थियो ।

सम्बन्धित शीर्षकहरु

लाफा ग्रुपद्वारा लाफा होलिडेज प्रालिको शुभारम्भ

काठमाडौं, ४ वैशाख : देश तथा विदेशमा रहेका नेपालीहरूको सामूहिक लगानीमा स्थापित कम्पनी लाफा...

सुनको भाउ तोलामा ६० हजार ३०० पुग्यो

काठमाडौं– मंगलबार सुनको भाउ रु ३०० बढेको छ । नेपाल सुनचाँदी व्यवसायी महासंघका अनुसार...

अरुण तेस्रोमा लगानी जुट्यो

काठमाडौँ, १७ चैत : सतलज विद्युत् निगमले निर्माण गरिरहेको अरुण तेस्रो जलविद्युत् आयोजनाका लागि...

कुखुरी काँः एउटा फरक रेष्टुरेन्ट

कुखुरी काँ लोकेशनको आइडेन्टिटी नै बनेको छ डेनी लिम्बू, प्रोप्राइटर यस्तो राम्रो रेष्टुरेन्ट खोलेर...