लिम्बू चलचित्र थेत्लङको ट्रेलर सार्वजनिक - Naya Online

लिम्बू चलचित्र थेत्लङको ट्रेलर सार्वजनिक

ललितपुर, २२ साउन । ओपेरा इन्टरटेन्मेन्टद्वारा निर्मित चलचित्र ‘थेत्लङ’को ट्रेलर मंगलबार किरात याक्थुङ चुम्लुङको भवन ललितपुरमा सार्वजानिक भएको छ । चुम्लुङका सचिव यासेली योङका सचिव यासेली योङहाङ, चलचित्र विकास वोर्ड आदिवासी जनजाति मातृभाषी चलचित्र प्रवद्र्धन समितिका संयोजक सुर्यप्रकाश चेम्जोङ, चलचित्रका निर्देशक किशोर सुब्बा र निर्माता मनि ताम्लिङको उपस्थितिमा ट्रेलर सार्वजानिक भएको हो ।

लिम्बू भाषामा निर्मित चलचित्रको नेपाली अर्थ ‘पैचो’ हुन्छ । सिक्किमको क्याम्पसस्तरमा पढाई हुने थेत्लङ उपन्यासलाई चलचित्रमा ढालिएको हो । उपन्यासका लेखक देउमान होन्दाक लिम्बू हुन् ।

चलचित्रका संगीतकार समेत रहेका यादन शेर्माले स्वागत मन्तव्य दिँदै चलचित्र कस्तो भन्ने कुरा हेरेर मात्रै थाहा हुने बताएका थिए । आफुले राम्रो छ भन्दा विज्ञापन गरेजस्तो हुने बताए यद्यपि चलचित्रको लागि मेहनत भने प्रशस्त रहेको जानकारी दिएका ।

चलचित्रका निर्देशक किशोर सुब्बाले बैरागी काइलाले दिएको सुझाव लिम्बू भाषामा आधुनिकता ल्याउनुपर्ने लाई मनन् गर्दै चलचित्र बनाइएको बताए । सिक्किमको युनिभर्सिटीमा पढाइ हुने यस उपन्यासलाई बनाउन सकिँदैन कि भन्ने डर पनि भएको तर विकासले फड्को मारिसकेको अवस्थामा भाषा लिम्बू बोलेता पनि आधुनिकता प्रयोग गर्न सकिने सुब्बाको विचार थियो ।

सुब्बाले सिकिमका कलाकार सबै नयाँ भएता पनि सिक्किमे कलाकारहरु अत्यन्तै अनुशासित र एजुकेटेड रहेको बताए ।

चलचित्र विकास वोर्ड आदिवासी जनजाति मातृभाषी चलचित्र प्रवद्र्धन समितिका संयोजक सुर्य प्रकाश चेम्जोङले गुणस्तरीय चलचित्र ल्याउन छलफल भएको र छलफल भएको बताएका थिए ।
बहस, रिसर्च गरेर कसरी गुणस्तरीय चलचित्र बनाउन सकिन्छ भन्नेमा जानुपर्छ । ५० बर्ष अघिको कथा त्यही हिसाबले भने बुझ्दैनन् । अहिलेकै हिसाबले बुझाउनुपर्छ त्यसो गरे ३ सय बर्ष अघिको कथा पनि बुझाउन सकिने चेम्जोङको तर्क थियो । यसै वर्ष ३ वटा चलचित्र आउन लागेकोमा सबैले एकाअर्कालाई सहयोग गर्दै लैजानुपर्ने बताए ।

चलचित्रका मुख्य पात्र विशाल सेनेहाङले सिकिमको जाडोमा आपूmले लगायत सम्पूर्णले मेहनत गरेको बताए । थेत्लङ अरुभन्दा फरक फिल्म रहेको बताए । प्रेमकथामा आधारित फिल्म रहेको यसमा नौलोपन दिन सकिने या नसकिने त्यो चै फिल्म आएपछि थाहा हुने बताए ।

प्रमुख अतिथि यासेली योङहाङले थेत्लङ चलचित्र लिम्बू संकार र संस्कृतिको आखाले हेर्ने हो भने राम्रो देखिने बताए । सामुहिकतालाई अङ्गाले कुनैपनि काम फत्ते गर्न सजिलो हुने बताए । किशोर सुब्बा दुःखी निर्देशक रहेको, दौडिरहेको तर अहिलेसम्म लक्ष्यमा नपुगेको विश्लेषण गरेका थिए । ल्यापटप र कम्प्युटरमा अलमलिएको समयले आफ्नो भाषा, संस्कृति पनि अलमलियो कि भन्ने जिज्ञासा राख्दै थोरै समय दिनका लागि अनुरोध समेत गरे ।

चलचित्रका प्रस्तुतकर्ता तथा संगीतकार मनि ताम्लिङले फिल्मको नामको सन्दर्भमा उपन्यासमा लेखिएकै लेखेको बताए । आफुलाई लिम्बू फिल्म बनाउने सपना रहेको र उक्त सपना पूरा भएको बताए ।

यस चलचित्रका संगीतकार कुल्वा सुब्बा, पविन आङ्देम्बे रहेका छन् । त्यसैगरी मनु नेम्बाङ, विष्णु चेम्जोङ, सीता सिंगक, मनि ताम्लिङ, यादन सेर्मा, गंगा फियाक, एमएस लिम्बू, रामदुःखी आङ्देम्बेले स्वर दिएका छन् । देउमान लिम्बू होन्दोक, दिलसिंह मेन्याङ्बो, सागर केरुङ, यादन सेर्माको स्वर रहेका यस चलचित्रका अर्का निर्माता विराज लिम्बू हुन् ।

विशाल सेनेहाङका साथमा अन्य कलाकारहरु दिव्या लिम्बु, सोनु ताम्लिङ, संगीत लिम्बू, शान्ति लिम्बू, मुनाहाङ लिम्बू, सुकवीर ताम्लिङ, शर्मिला यक्सो, सनमाया लिम्बू, हस्त लिवाङ, शरण साउदेन, सागर केरुङ, मणिराज लिम्बु, देउमान केरुङले अभिनय गरेका छन् ।

कार्यक्रममा निर्देशक लोकेन साँवा, मौसम इम्बुङ, निमात्री इत्छिङ्सा तुम्रोक पंधाक, गायिका सीता सिंगक, याक्थुङ हाक्पारे पालाम सयङका महासचिव शैलेन्द्र थेबे, विश्व मानव उत्थान तथा मेलमिलाप संघका अध्यक्ष काजी लिम्बू, नायिका लक्ष्मी योङहाङ, गीतकार मीना सिंगक आदिको उपस्थिति थियो ।

ट्रेलर हेर्नुहोस्

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

साहित्यकार तथा गीतकार फुलाराको नयाँ गीत ‘म मरे भने त यो शहरको डेरामा…’ सार्वजनिक

काठमाडौ ३१ बैशाख । युवा साहित्यकार एवं गीतकार भीष्मराज फुलाराको नयाँ गीत ‘म मरे...

मण्डलाले मञ्चन गरेको नाटक युटयुवमा आउँदै

काठमाडौँ, ३० बैशाख । मण्डला थिएटर नेपालले पहिलोपटक आफ्नो पूर्णांकी नाटकलाई डिजिटल माध्यमबाट सार्वजनिक...

गीता नेम्बाङको ‘आत्तो केवा आम्मौं ?’

काठमाडौँ, २८ बैशाख । गायिका गीता नेम्बाङले लिम्बू भाषाको गीत आत्तो केवा आम्मौं ?...

सुमन लिम्बूको आधुनिक गीत सार्वजनिक

काठमाडौँ, २८ बैशाख । लिम्बू भाषामा गाइने पाःलाममा चर्चित बनेका सुमन लिम्बू नेपाली आधुनिक...

मर्मस्पर्शी ‘नियतिको खेल…’

काठमाडौं २८ बैशाख । एकपछि अर्को उत्कृष्ट भिडियो निर्देशन गरि सार्वजनिक गर्दै आइरहेका निर्देशक...

डा. डीआर उपाध्यायको ‘आमा’ गीत सार्वजनिक (भिडियोसहित)

काठमाडौं, २६ बैशाख । विश्व कीर्तिमानी गीतकार डा. डीआर उपाध्यायको सबैभन्दा बढी ‘आमा’ शब्द...

सार्वजनिक हुने तर्खरमा खेदा म्युजिकल फिल्म

काठमाडौँ, २५ बैशाख । रुबुसा कृएटिभ वर्कस् प्रालिको निर्माण तयार भएको खेदा (कथा) म्युजिकल...

देसु सुहाङको स्वरमा पाःलाम सार्वजनिक

पाँचथर, २५ बैशाख । गायिका देसु सुहाङको स्वरमा पाःलाम सार्वजनिक भएको छ । यादन...

शिवकुमार सम्बाहाम्फेको नयाँ लोकगीत सार्वजनिक

काठमाडौँ, २४ बैशाख । अनलाइन पाःलाम प्रतियोगितामा दोश्रो भएर चर्चामा आएका शिवकुमार सम्बाहाम्फेले नेपाली...

बिमल खड्का र ध्रुव न्यौपानेको लोकगीत सार्वजनिक

काठमाडौँ, २४ बैशाख । गायक बिमल खड्का र ध्रुव न्यौपानेको लोकगत सार्वजनिक भएको छ...