दीप्स् शाहको कृति आगोमाथि दृष्टि लाउँदा - Naya Online

दीप्स् शाहको कृति आगोमाथि दृष्टि लाउँदा

“पुख्र्यौली अंशको पाखो
बाजेले रोपेका वर–पिपल, चौतारी
कानको दुलोमा
स्थिरताको तेल भरेर
निष्काम कुम्भकर्णहरू सुतिरहन्छन्
तर म देख्दैछु
छेवैबाट
एकहुल कलम किसानहरू
डोकोभरी कवि फूलका बेर्ना बोकी
वृक्षरोपणमा निस्केका छन्
युगका गह्रा र पाटोहरूमा
कलम जोत्न ।”

हुन त यो कविताको वर्णनमा कलमकर्मीहरूको मात्र वर्णन नभएर अन्य ब्यक्तिहरूको पनि वर्णन छन् । तर यी माथीका हरफहरूले नै पूर्णताको आभास दिएको छ । माथीका हरफहरूमा कवयित्रीले पुर्खाको सम्पत्तिमा राज गरेर अल्छे आँग तान्दै खान पल्केका सन्तानहरूलाई उपहास गर्दै ब्यङ्यबाण गरेर कलमकर्मीहरूलाई कलमी किसानहरूको पर्याय बनाएर साँच्चै कवि लेखकलाई मज्जाले हौस्याएकी छिन् । यसरी उन्का कविताहरूमा मिठासपूर्ण भाव र अर्थपूर्ण शैलीहरू पाइेन्छन् ।

दीप्सका कविताहरूसँग रुमल्लिँदा म उनका सबै कविताहरूमा निर्लिप्तसँग डुबेँ । मलाई यस्तो भान भयो कि उन्ले कविता रच्न खर्लप्प नेपाली शब्दकोश खाइनन् न त उन्ले कवितालाई अझ गहन देखाउँन क्लिष्ट शब्दहरूको नै प्रयोग गरेकी छिन् । यसैले उनका रचनाहरूमा सहजता, सरलता र असली चित्रण पाईन्छ । अब एउटी पाठक र चिरफारकर्ताको हिसाबले दीप्सको कलमी यात्रालाई नियाँल्दा मलाई यस्तो भान भयो कि कबयित्रीको भावना अति नै कोमल र सरल छ तथापी उनी अरु लेखक झैं शोक र बिव्हलतामा डुबेर त्यती रोएकी छैनन्, आफ्ना कविताहरूमा अर्थात उन्ले अरु प्रवासी लेखक मनहरूले झैं परदेशिनुको पीडा पर्याप्त मात्रामा पोखेकी छैनन् । सबै रचनामा उन्ले आफ्नो बर्गतले भ्याएसम्म आफ्नो शब्द,चयन सिर्जनालाई भरपुर कसी लगाएकी छिन् तापनी उनका कविता लेखनको बिषयमा “देशप्रतिको” विषय बस्तु अलिक कम नै पाइयो । यस्को अर्थ यो होइेन कि उन्मा देशभक्ति भाव नै छैन भन्ने । मलाई भने सबै प्रवासी कलमहरूको संग्रहमा “देश पीडा” नै औसतजस्तो बाचन गर्ने बानी परेकोले दीप्सको यो संग्रहमा यो बिषय नपाउँदा अलिकती खल्लो महसुश भने भयो । शायद अब आउँने संग्रहको लागी पो दीप्सले साँचेकी हुन् कि ? हुन त उनको एउटा कविता “मैले माटो बेचिन”मा भने देशप्रेम झल्किएको आभास छ तर मेरो नजरले त्यो मात्र पर्याप्त पाएन र मैले यसै भनें । यो मेरो मात्र जिद्दी भने होइन ।

आचार्य प्रभा

 

 

सम्पूर्ण पाठकहरूले पढ्नै पर्ने कलम हो दीप्स शाह । “आगो” जस्ले पाए उस्को मन पग्ल्यो । जस्ले पाउँन बाँकी छ उस्को पनि मन पग्लिनेछ । जस्ले पाउँने चेष्टा गर्नेछ “आगो” उस्को निम्ति न्यानोपनको आभास बनेर कविता मुस्लो बनेर छाउँनेछ ।

“आगो”लाइे झनै मुस्लो बनाएर तेजिलो पार्ने जिम्मा अर्का बहुप्रतिभावान चित्रकार खगेन्द्र पन्धाक (चुम)ले आफ्नो कलाद्वारा पुस्तकका छातीभरी अर्थपूर्ण रंगहरू पोँतेर अझ उच्च कोटीमा पु¥याएका छन् । दीप्सलाइे आत्मिक भावले र ओजपूर्ण प्रेरणाले थुम्थुमाएर फेसबुककै मित्रहरूले अझै प्रेरणा दिएको पनि उन्ले उजागर गरेकी छन् । यसैले “आगो” सबैको प्रेरणा र उमङ्गको उपज हो भन्नमा अत्युक्ति हुन्न । यस्लाइे सबैले एकपटक प्रेरणाको “आगो” सम्झेर ताप्ने प्रयास गरेमा कठ्याङ्रिएको मनमा अवश्य पनि न्यानोपनको आभास मिल्ने नै छ ।

अन्त्यमा म कुनै समिक्षक नभएर एउटी पाठक र दिदीको नाताले भविष्यमा अझै यो यात्रामा उर्जा मिलोस् भन्ने हेतुले यति लेखिदिने हिम्मत गरें । यो कुनै समिक्षा नभएर हौशलाका शब्दहरू हुन् वा हुनेछ ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

नयाँ राष्ट्रनिर्माताको खोजी

बच्चु हिमांशु पृथ्वीनारायण शाह थिए एक कथित राष्ट्रनिर्माता उनलाई भएको आफ्नो राज्यले चित्त बुझेन...

बेवारिसे लासको सम्बोधन

सुनिल आङ्बो यो अपरिचित वर्णमालाजस्तो पृथ्वीको क्लान्त कुनामा म जन्मिएको हुँ म जन्मदा न...

चुट्किलाको शासक

सन्जित फलाना सरकार ! ठिक यतिखेर स्वीकार्य छ मलाई विद्रोही बन्न सजिलो त कहाँ...

हतुवागढीको अर्को ठूलो महोत्सव “हसनपुर साहित्य महोत्सव–२०७७” हुदै ।

प्रकाश दिप्साली राई, सुनसरी । भोजपुर जिल्लाको हतुवागढी गाउँपालिकामा आगामी पुष २९ र माघ...

‘म देशकै मिठो सपना हुँ’

आचार्य प्रभा सपना, तिम्रो स्वच्छ र कोमल मनको कसरी गरूँ म प्रशंसा ? एउटी...

गजल – चबेगु राज “सानु”

कोही बाँच्छन् चोक चोकमा पानी बेचेर बाँचिरहेछ उ सहरमा जवानी बेचेर तरिका मात्र फरक...

उभौलीमा भेट्ने वाचाका साथ सकियो “साकेला साहित्य महोत्सव ”

प्रकाश दिप्साली राई ,नडाहा । किरात समुदायको महान चाड उधौलीमा आयोजित ,साकेला साहित्य महोत्सव...

फिक्कलको उकालो बजारमा

काठमाडौँ, १७ पुस । राजनीतिकर्मी तथा साहित्यकार मिलनकान्छा किरातीको निबन्ध सङ्ग्रह फिक्कलको उकालो बजारमा...

कविशिरोमणि लेखनाथ पौड्यालको १३७ औँ जन्मजयन्ती

काठमाडौँ, १५ पुस । नेपाल प्रज्ञा–प्रतिष्ठानद्वारा आज कविशिरोमणि लेखनाथ पौड्यालको १३७ औँ जन्मजयन्ती प्रज्ञा...

गजल

हो ! सरकार यहाँ, नदी नाला बेच्दैछ ऊ आफ्नो घरको ,चाबी ताला  बेच्दैछ ।...