सुकोमल स्वर र शालिन ब्यक्तित्वकी धनी सुमिता - Naya Online

सुकोमल स्वर र शालिन ब्यक्तित्वकी धनी सुमिता

मुकेश राई


‘हरेक साँझ तिम्रो यादमा जल्ने टुकी हुँ म
चुपचाप तिम्रो मन भित्र फूल्ने बुकी हुँ म’

माथि उल्लेखित गीतका गीतकार प्रतिक चाम्लिङ राईको शब्दहरूले जत्ति तानिन्छु म त्यो भन्दा बढी गायिकाको स्वरको माधुर्यताले मोहित बन्छु । हुन त गायिका सुमिता राई बहिनीसँग मेरो परिचय एउटा सांगीतिक कार्यक्रममा भएको थियो । यस्तै गीत संगीतको कुरोहरू गर्दै जाँदा बहिनीले आफुले गाएको गीतको भिडियो शेयर गर्नु भएको थियो । “आँखै नहेरी” प्रेमिल भावको उक्त गीत निकै रमाइलो अनुभूति दिने र उत्कृष्ट भिडियोले गर्दा मनोरन्जनात्मक थियो । उक्त गीत सुने पश्चात उहाँ एउटा पृथक अनि श्रुतीमधुर स्वर भएकी गायिका हुनुहुन्छ भन्ने अनुमान लाएँ । यसैले हाम्रो परिचय सिर्जनात्मक हो भन्दा फरक नपर्ला ।

गायिका सुमिता राई हाल ननिटन, युकेमा श्रीमान खरुन राई अनि दुई छोरीहरू नैना र सगुनको साथ रहदै आएकी छिन् । नेपालमा उहाँको थातथलो खोटाङ खार्ताम्छा हो भने माईतिघर बाक्सिला हो । लाहुरे पारिवारिक पृष्ठभूमि रहेको उनको पापा ब्रिटिश आर्मीको रिटायर्ड गोर्खा अफिसर हुन् भने श्रीमान पनि ब्रिटिश आर्मीकै सिपाही हुन् । घरकी माईली छोरी सुमिताको दिदी भेनाज्यु र आमापापा लगायत प्राय सम्पूर्ण परिवार युके मै छन् ।

ब्यस्त जीवन र आफ्नो देश भन्दा टाढा रहनुको पीडाबोध हुनु भनेको प्रवासीहरूको निम्ति सामान्य कुरो होला शायद । आफ्नो देशबाट जति टाढा भईन्छ उत्ति नै सम्झना गाडा हुन्छ, यस्तो समयमा पनि आफ्नो रुची र जोशका कारण विभिन्न सिर्जनात्मक कार्यलाई पनि अगाडी बढाउने सिर्जनशिल धेरै छन । तिनै साधनारत सर्जकहरू मध्ये एउटा राम्रो स्वर भएकी सर्जक अर्थात गायिका हुन सुमिता ।

स्कुले जीवनमा नाच्नमा रुचि राख्ने राम्रो नृत्याङ्गंना रहेकी सुमिताको रुचि पनि नृत्य नै भएता पनि समयको अन्तराल र घर ब्यवहारले गर्दा त्यो रुची त्यत्ति मै सिमित रहे पनि आफ्नो रुचिलाई गीत संगीतको यात्रा तर्फ अगाडी बढाईन । जसको फलस्वरूप श्रीमानसँग पल्टनघरमा आए पछि त्यहाँ हुने प्रायः हरेक कार्यक्रमहरूमा आफ्नो स्वरले रौनकता प्रदान गरिन् । धेरै चर्चामा रहेका नयाँ पुराना गीतहरूलाई श्रोता दर्शकहरूमाझ प्रस्तुत गर्दै गएपछि उनी धेरैको चहेता बनिसकेकी थिईन् । यसले उनलाई आफ्नै गीतहरू पनि रेकर्डिङ गर्नुपर्छ भन्ने कुरामा पनि अभिप्रेरित गर्दै लग्यो । आफ्नै भेनाज्यु प्रतिक चाम्लिङ गीतकार हुन भने श्रीमान खरुन राई गीत र भिडियो सम्बन्धी अध्ययन गरिसक्नु भएका एक कलाकर्मी हुन, यद्धपी कारणवस उनको कर्मथलो बेलायत बन्न पुग्यो । यिनै पारिवारिक माहौलले आफुलाई सिर्जनायात्रामा अगाडी बढाउन झनै उत्साहित गरेको बताउँछिन गायिका सुमिता राई !

निकै समय अगाडी नै केही गीतहरू रिकर्डिङ गरेकी उनको औपचारिक रूपमा गीतिएल्बम सगुन सन २०१९ मा सार्वजनिक गर्नु भएको हो । यस एल्बममा जम्मा ६ वटा गीतहरू समाविष्ट छन । जसमा गीतकारहरू निर्मला परिवेश राई, प्रतिक चाम्लिङ, कुमार विवाहित अनि मुकेश राईको शब्दका गीतहरू रहेका छन भने गीतहरूका संगीतकारहरू शिला बहादुर मोक्तान, मन थुलुङ, बिक्रम राई, पुजन लोहन अनि कुमार विवाहित रहेका । अधिकांश गीतहरूको म्युजिक भिडियो बनिसकेका छन् जुन उनको आफ्नै युट्युब च्यानलमा हेर्न र सुन्न सकिन्छ ।

यही क्रममा उनको एल्बम सगुनमा समाविष्ट “हरेक साँझ“ बोलको गीतबाट उनले बर्ष २०२० को उत्कृष्ट आधुनिकरपप गायिकाको स्पर्श म्युजिक अवार्ड जित्न सफल भईन्, जुन उनले आफ्नो सांगीतिक यात्रामा अघि बढनको निम्ती मिलेको प्रेरणादायी उपहार ठान्छिन् । आउँदो दिनहरूमा पनि आफ्नो सांगीतिक यात्रा निरन्तर अगाडी बढाउने आकांक्षा रहेको गायिका सुमिता राईको सिर्जनशिल यात्रा शुभ र सफल रहोस् शुभकामना ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

‘हिन्दुधर्म नेपालीहरूको मौलिक पहिचान हैन, हिन्दु भन्ने बित्तिकै विदेशमा हिन्दुस्तानी सोँच्छन्’

भगवान चाम्लिङ राई कुवामा बसेर संसार परिवर्तन देख्न नसकेका प्लमस्ट्रिट यूकेस्थित कथित पशुपतिनाथका मूल...

पराजित पोमुको संयोजकत्वमा आदिबासी जनजाती महासंघ दक्षिण कोरियाको गठन

द.कोरिया, ११ फागुन। २०७७ का दिन काठमाडौमा लेखक राजन मुकारुङ्गको नेतृत्वमा बनेको आदिबासी जनजाती...

कवि पराजित पोमुको संयोजकत्वमा जनजाति साहित्यकार महासंघ कोरिया गठन

प्रकाश दिप्साली राई, नडाहा । नेपाल आदिवासी जनजाती साहित्यकार महासंघको अन्तराष्ट्रिय समिति “नेपाल आदिवासी...

मौलिक स्थानहरूको नाम परिवर्तनले आदिवासी पहिचान सङ्कटमा

लन्डन, १९ फेब्रुअरी । आदिवासी समुदायको थातथलो र सभ्यतासँग गाँसिएका स्थलहरूको नाम अप्रभंश हुने...

कांग्रेसको कार्यक्रममा सांघातिक आक्रमण गरेकोमा नेपाली जनसम्पर्क समितिको निन्दा

न्यूयोर्क, १७ फेव्रुवरी । संसद विघटनको असंवैधानिक र अलोकतान्त्रिक कदमका विरुद्ध फागुन ४ मा...

विनेसाम केन्द्र र यूके शाखाको संयुक्त सिर्जना वाचन

लन्डन(यूके), १५ फेब्रुअरी । विश्व नेपाली साहित्य महासङ्घ विश्व केन्द्रीय समितिले यूके शाखासँग संयुक्त...

मलेसियामा युमा साम्योको नयाँ समिति

मलेसिया, १ फेव्रुवरी । युमा साम्यो महासभा मलेसियाले पहिलो अधिवेशन सम्पन्न गरेको छ ।...

गोर्खा अभियन्ता डा. चन्द्र लक्सम्बाको मस्तिष्क रक्तश्रावबाट निधन

बेलायत, २६ जनवरी । नेपाली समाजका एक अगुवा प्राध्यापक डा. चन्द्र लक्सम्बाको मस्तिष्क रक्तश्रावको...

कोरियामा ‘आमाको तासफोटो’ र ‘छकालै’ दुई कृतिको संयुक्त लोकार्पण

दक्षिण कोरिया, २६ जनवरी । इतर अभियान्ता कवि सुष्मा रानाहँमाको कविता संग्रह “आमाको तासफोटो”...

निगमको वाईडबडी मार्फत मलेसियाबाट १८ शव र एकजनाको अस्तु नेपाल लगिदै

जेडी गाउँले क्वालालम्पुर, २२ जनवरी । मलेसियामा विभिन्न कारणले मृत्यु भएका नेपालीहरूको १८ शव...