एकै पाःलामले चर्चित बनेकी गायिका निरन्ता नेम्बाङ - Naya Online

एकै पाःलामले चर्चित बनेकी गायिका निरन्ता नेम्बाङ

हालै युट्युवमा ‘थोक्फेला साम्लो…’ बोलको पाःलाम सार्वजनिक भयो । सामान्य स्टुडियोमा मात्र बनाइएको उक्त पाःलामको भिडियो १ महिनामै १ लाख ६० हजार नाघ्न सफल भयो ।

भिडियोको निम्ति लाखौं खर्च गर्ने, महँगो कलाकार प्रयोग गरेर चर्चित बनाइन्छ । तर यो भिडियो त्यसरी गरिएको छैन । कम खर्चमा पनि यतिको चर्चित हुनमा पाःलामको स्वर तथा शब्द नै हो भन्ने आंकलन गरिएको छ ।

पाःलामको गायिका हुन् –निरन्ता नेम्बाङ । निरन्तालाई चर्चित पाःलाम गायक सुमन लिम्बूले साथ दिएका छन् ।

निरन्ताले सानैदेखि गायनमा रुचि राखेकी थिइन् । तर कसरी गाउने भन्ने कुराचाहीँ हेक्का थिएन । त्यसैले गायनभन्दा गीत बज्यो कि नाच्ने गर्न थालिन् । यसरी नाच्दै जाँदा कहिले गाउँघरको सांस्कृतिक कार्यक्रममा, कहिले विवाहतिर नाच्ने गर्दथिइन् ।

निरन्ताले फाक्तेप जनकल्याण कोल्बुङ, फाक्तेप १, पाँचथरबाट प्रारम्भिक शिक्षा लिएकी थिइन् । त्यसै स्कुलबाट एसएलसी गरेपछि रविबाट उच्च माविको शिक्षा पूरा गरेकी हुन् ।

काठमाडौं छिरेपछि उनमा गायनमोह फेरि उर्लेर आयो । र, २०७६ सालमा पहिलोपटक स्टुडियो छिर्ने काम भयो । उनले राज आँशु लिम्बुको शब्द, उदिम राईको संगीतमा ‘मायाजाल…’ बोलको गीत गाउन स्टुडियो छिरेकी थिइन् ।

त्यसपछि उनले आफ्नै रचना र उदिम राईको संगीतमा ‘तिमीलाई मैले माया गरेँ…’, इक्साहाङ चेम्जोङको शब्दमा ‘बरको हाँगा…’ र दुर्गा नेम्बाङको शब्दमा ‘तिमीलाई मैले रोजे…’ गाएकी छिन् । पाःलाममा चाही अन्दङफुङपश्चात थोक्फेला, आनि याक्थुङ्बा–२ भिडियोमा आइसकेका छन् । भने एसएसपी चन्द्रकुबेर खापुङको रचनामा हर्क मादेम्बासँग एक पाःलामको तयारीमा छिन् ।

लकडाउनको समय पारेर याक्थुङ कल्चरल ग्रुपले आयोजना गरेको अनलाइन पाःलाम प्रतियोगिता भयो । उक्त पाःलाम प्रतियोगितामा नेपाल, भारत तथा अन्य देशमा रहेका लिम्बू तथा गैर लिम्बूले भाग लिएका थिए । निरन्तालाई पनि पाःलाममा भाग लिन सुझाएका थिए । तर उनमा आँट नआएको बताउँछिन् । तर पाःलाम प्रतियोगितापश्चात धमाधम पाःलाम रेकर्ड गर्न गराउन थाले । यसैक्रममा निरन्तालाई पनि पाःलाम रेकर्डको अनुरोध आयो । उनले आफ्नै शब्द तथा लय संकलनमा ‘अन्दङ फुङ’ रेकर्ड गराइन् । अन्दङफुङ पनि यो समाचार तयार पारुञ्जेलसम्म १ लाख ४६ हजारले हेरिसकेका छन् ।

पाःलाम रेकर्ड गराउनेवित्तिकै उनलाई पाःलाम गीत गाउनको लागि अनुरोध आउन थालेको छ ।

‘एकै पाःलाम गायनले व्यावसायिक बनायो ।’ उनी बताउँछिन् ।

बुबा ठाकुरप्रसाद नेम्बाङ, आमा पञ्चमाया नेम्बाङबाट जन्मिएकी निरन्ताको आमाले पनि पाःलाम गुनगुनाउने गर्थिन् रे । त्यसैगरी निरन्ताकी दिदी गीता नेम्बाङ पनि गीत गाउँछिन् ।

भविष्यमा गायनमै निरन्तरता दिएर जाने योजना बनाएकी निरन्ताले भर्खरै ताप्लेजुङको एक कार्यक्रममा प्रस्तुति दिएर आएकी छिन् भने राष्ट्रिय नाचघरमा आफ्नो पाःलाम प्रस्तुत गरिसकेकी छिन् ।

भविष्यमा गायनमा नै स्थान बनाउने योजना, तर भविष्य के हुन्छ, भन्न नसक्ने बताउँछिन् ।

विवाहित निरन्ताको श्रीमान सीताराम लिम्बू हुन् । निरन्तलाई संगीत क्षेत्रमा अगाडि बढाउन श्रीमानको ठूलो सहयोग छ । निरन्ता सीताराम दम्पतीका एक छोरा र एक छोरी छन् ।

नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुकट्वीटर र युट्युवमा पनि पच्छ्याउन सक्नुहुनेछ ।



सम्बन्धित शीर्षकहरु

सरिता लिङ्देनको रचनामा अर्को गीत सार्वजनिक

काठमाडौ १९ फागुन । पछिल्लो समयकी चर्चित गायिका अनु चौधरीको स्वरमा नयाँ गीत सार्वजनिक...

ताप्लेजुङमा बृहत साँस्कृतिक कार्यक्रम

काठमाडौ १९ फागुन । आगामी बैशाख २४ देखि जेष्ठ ४ गतेसम्म सञ्चालन हुने बृहत...

झापामा छोटा चलचित्रहरू बन्दै

मोरङ, १९ फागनु । कोरोना भाइरस कोभिड १९ को कारण ठप्प भएको नेपाली चलचित्र...

लिम्बुवानी गीतको छायांकन सम्पन्न

फेदेन, १६ फागुन । लिम्बुवान भुमि सँग सम्बन्धित लिम्बू भाषाको गीत सुवाङ लाजे?इन् लिम्बुवान...

दुर्गा इङ्नाम र शिवकुमार सम्बाहाम्फेको ‘उन्छोन्बा एन्हा…’ सार्वजनिक

काठमाडौं, १६ फागुन । शान्ता केरुङको रचना र लयमा नयाँ पाःलाम ‘उन्छोन्बा एन्हा…’ सार्वजनिक...

रोहित मादेनले ल्याए मिक्लारेन कोम्हा?

काठमाडौं, १६ फागुन । रचनाकार तथा कलाकार रोहित मादेनले पाःलाम ल्याएका छन् । इन्द्रसुशिल...

भीमसागर मादेम्बाको मेयङलुङ बसैमा

काठमाडौं, १६ फागुन । गायक भीमसागर मादेम्बाले तेह्रथुमको आञ्चालिकतालाई झल्काउने गीत मेयङलुङ बसैमा… सार्वजनिक...

‘एलआइसी नेफ्टा फिल्म अवाड्र्स’को तयारी तिब्र

काठमाडौं १५ फागुन । नेपाल चलचित्र प्राविधिक संघ तथा ड्रिम हाई नेपालको संयुक्त आयोजनामा...

एक दशक पछि घमेश दुलालको “बनमा खयर”

काठमाडौं, १४ फागुन । लोक दोहोरीका नयाँ तथा पुराना भाका संरक्षण तथा प्रर्वदनमा लागि...

‘कबड्डी’को चौँथो सिक्वेल ‘द फाइनल म्याच’ निर्माण हुने

काठमाडौँ, १४ फागुन । सुपरहिट फिल्म ‘कबड्डी’को चौँथो सिक्वेल पनि निर्माण हुने भएको छ...