आर्मीमा जान चाहने युवा लाभान्वित हुने
दमक, २४ वैशाख ।
ब्रिटिस आर्मी, सिंगापुर पुलिस, भारतीय आर्मीमा करिअर बनाउन चाहने याुवा पुस्ताका लागि आजकल प्रि आर्मी ट्रेनिङ निक्कै प्रभावकारी बन्दै गएको छ । देशभर सयौं यस्ता ट्रेनिङ सेन्टरहरु सञ्चालन भएका छन्, जसले आर्मीमा भविष्य देखेका युवाहरुलाई आवश्यक शिक्षा र शारीरिक अभ्यास गराउँछ ।
आइतबार झापाको दमकमा गोर्खा ब्रदर्श ट्रेनिङ एकाडेमीले पनि युवाहरुको यहि चाहनालाई पूरा गर्न आफ्नो शाखा र सेवा विस्तार गरेको छ । नेपाली युवामाझ आकर्षक बन्दै गएको ब्रिटिस आर्मी, सिंगापुर पुलिस र भारतीय आर्मीमा भर्ती हुन चाहने युवाका लागि पूर्व तयारी कक्षा लिन अब गोर्खा ब्रदर्श ट्रेनिङ एकाडेमी भरपर्दो गन्तव्य हुने एकाडेमीका निर्देशक एकराज नेम्बाङले जानकारी दिनुभयो ।
आर्मीका लागि विशेष तयारी कक्षा सञ्चालन र शारीरिक अभ्यासका लागि आवासीय सुविधा उपलब्ध गराउने योजनासहित शाखा समुद्घाटन गरिएको एकाडेमीका दमक शाखा प्रमुख नन्दहाङ नेम्बाङले बताउनुभयो । उहाँका अनुसार दमकमा शाखा स्थापनासँगै ताप्लेजुङ, पाँचथर, इलाम, झापा र मोरङ लगायत जिल्लाका इच्छुक प्रशिक्षार्थीलाई सहज हुनेछ ।
उद्घाटन कार्यक्रममा इलाका प्रहरी कार्यालय दमकका प्रमुख प्रहरी नायव उपरीक्षक राजन लिम्बू, अनरेरी क्याप्टेन दिगम्बर शेर्मा लिम्बू लगायतको आतिथ्यता रहेको थियो । एकाडेमीकी ब्राण्ड एम्बासडर रहेकी कलाकार सिर्जना निङ्लेखुले रिबन काटेर शाखाको कार्यालय उद्घाटन गर्नुभएको थियो ।
एकाडेमीले क्रमशः आर्मी प्रि ट्रेनिङका अतिरिक्त विभिन्न भाषाका कक्षाहरु, सेक्युरिटी सर्भिस, वेरिङ, प्लम्बिङ लगायतका तालिम पनि सञ्चालन गर्दै जाने एकाडेमीका रमेश तुम्रोकले जानकारी दिनुभयो । दमक ५ भृकुटीचोकमा रहेको एकाडेमीमा हाल ३५ भन्दा बढी युवा प्रशिक्षणमा सहभागी रहेको तुम्रोकको भनाइ छ । न्यूनतम एसईई तहको परीक्षामा उत्तिर्ण र १७ वर्ष ५ महिना उमेर पुगी २१ वर्ष उमेरभित्रका युवाले बिट्रस आर्मी, सिंगापुर पुलिस र भारतीय आर्मीमा आवेदन गर्न सक्छन् ।
नयाँअनलाइनसँग एप्समा पनि जोडिनुसक्नुहुनेछ । एन्ड्रइडको लागि यहाँ क्लिक गर्नुहोस् । त्यसैगरी हामीलाई फेसबुक, ट्वीटर र युट्युवमा पनि पच्छ्याउन सक्नुहुनेछ ।
